Banten Catur Rebah

No comment 493 views

Banten Catur Rebah

Mewadah tetempeh anyar meserobong ental wiyadin busung nyuh sudamala, ring tetempehe medaging beras 1 catu, jinah 125, ring berase medaging matah-matah mewadah kojong : kacang, komak, ubi, keladi, kacang putih, jali-jali, jawa, godem, jagung nasi, jagung biasa, sela bun, gegantusan, bija ratus, basa-basa genep, punika sami mewadah kojong genahang ring berase, luwiring berase sane medaging matah-matah metangkeb antuk tetampak busung nyuh sudamala, luwuring tetampake, medaging tape tetandingan bangun urip genahniya nyatur, jaja kukus 4 warna megenah nyatur, bangun urip, dagingin sarwaning jaja suci gede 4 warna megenah nyatur, medaging panca pala galahan, biyu 4 warna bangun urip : biyu lumut, 4 bulih megenah kaja, biyu gancang 5 bulih megenah kangin, biyu udang 9 bulih megenah kelod, biyu mas 7 bulih megenah kawuh, jaja catur : perang medapa, carang madu, padma, panah, gada, dupa, belekat gadung, jala reka, penangkeb, simbar, sri dandan, orti, toro-toro, orti putri, cakra bungan temu, kalongkang, pelosor, kalongkang atin kutuh, jaja-jaja puniki sami 4 warna suang-suang warna kekalih-kekalih genah niya nyatur. Beduwur jaja punika medaging jaja penyon, jaja jempinis, sirat, pepelan, jaja uli, punika sami megoreng, catur warna, suang-suang warna kekalih-kekalih megenah nyatur. Maka penutup, jaja saraswati catur warna megenah taler nyatur, beduwur jaja saraswati ne, medaging bunga, rantasan, sari catur warna megenah taler nyatur, kwangen bangun urip dados pucaking catur.

author